Дебатъёс - йырвизез кыдатон

Время дас одӥгетӥ час, нош мыным кӧлыны дыр ӧвӧл на. "Палэнысен дышетскон - со туала образование басьтонын оскымон но перспективной амал"  за и против аргумент утчасько. Малы? Малы ке шуоно котькуд ар милям лицей-интернатмы пыриське Элькун дебат шудонъёсы. Кылем арын нош Вахрушев Пашалы йыраз шуккиз монэ дебатёръёс пӧлы пыртыны. Озьыен, монэ втянуло та аспӧртэмлыко мон понна шудонъёсы. 

Конечно, мынам вал кылылэме дебатъёс сярысь но малпанам но ӧй вал ачим отчы пырисько шуыса. Мон туж кышкасько асме сцена вылын возьыны, трос калык азьын вераськыны, нош татын мон шоры кулэ учкыны куинь пара строгой судья синъёс. Ууужааас! 

Но мон, зэмос журналист кадь, кепыран сямме пушкам мур ватыса, соглаш кариськи эскертыны асме та удысын. Кылем арын отборочной тур Олимпик шудонъёслы сӥземын вал, нош финал - Росси кунэ вуись мигрантъёсын. Паймымон, но ми, команда дилетантов, нырысетӥ арзэ шудӥсьёс нырысетӥ инты басьтӥм! Кӧня шумпотон вал! Тау тренермылы, Вахрушев Паша - ӟечок!

Нош таяз аре ми, валась муртъёс кадь, тренертэк дасяським отборочной турлы. Зэмзэ верано ке, туж трос нервае быриз. Малы ке шуоно урокъёс трос, дыр ичи, эшшо ке но мынам вордӥськем нунал (кыӵе ке необычно кереме потэ вал)... Но кызьы ке озьы"ГТО нормаос тазалыкез утьыса улонын юрттэт луыны быгатозы \ уз быгатэ" темалы дасяським. 

Вуим 56 гимназие. Сыӵе бадӟым. Мон отын нырысетӥзэ вал. Мон - кыкетӥ спикер. Мынам вань дасям аспектъёсысь аргументъёсты пыр-поч валэктоно, статистика, фактъёс пыртылыса. Али уг кышкаськы ни, может соин, вормеме чик но уг поты шуыса. Озьы ке но, пыдъёс дыррр куалекъяло. Но со офигенной чувство, ку тон сылӥськод сомында калык азьын но кепырандэ ватыны тыршиськод, адреналин кыӵе ке)) Нош интыяд пуксиськод но, "Мон сое быгатӥ, мон лэсьтӥ"- малпанъёс лыкто. Мыным кельше "саму себя испытывать" ӟуч сямен вераса. Придает чувство собственного достоинства)) В общем, отборочной турын ми вормисе потӥм, 85 балл 90ысь люкам. Табере 1 феврале милемыз витё финалын. Нош ик дыр ичи, но ми ведь кужмоесь)) нош ик вормом, ни смотря ни на что)) 

Мон шӧдӥсько, ма та шудон мыным сётэ. Нырысь ик, тон утчаськод темалы аргументъёс за но против, нош со одӥг маке шоры пӧртэм синмын учкыны юрттэ. Валаны кутскиськод туууж трос висъяськись мнениос вань шуыса. Эшшо удмурт лига дебатъёсын - со туж умой кылэз волятон амал. Чылкыт удмурт кылын вераськыны дышиськод. Нош, мон понна тужгес но важноез, калык азьын увереннойгес луыны кутскиськод. В общем, эшъёс, дебатъёс - со туж тунсыко арбери, огпол хоть улонын асьтэдыс та удысын эскероно!