понедельник, 6 апреля 2015 г.

Кыӵе кулэ луыны понедельник?

Туннэ, понедельнике, монэ возьмаз туж тунсыко нунал. 
Ӵукна синме усьтыса ик, монэ "шумпотӥз" лымы. МА?? Толон вал сыӵе шулдыр, шундыё нунал, а туннэ лымыен зорен суро-пожо, котыр пурысь, пеймыт, сӥзьыл кадь. Мылкыд ик быриз. Учкисько часме, дас вить минут уроке дасяськыны! Ааааа, ӝог-ӝог пыласькисько, буяськисько, ладно хоть дӥсьме гладить кароно ӧвӧл. Ваньзэ кадь вуи, только йырсиме шонертыны ӧй вуы, озьы ик тупо бабыльскем  локонъёсын ветлӥ быдэс нунал. 
ОБЖын оказания первой медицинской помощи ортчиськом ке, мон, ваньзэ вунэтыса, тыршыса, закрытый но открытый перелом суредаса пуки. Муспотон аниме пияшелэсь киоссэ "тӥялляй". Зато милям плакатмы самой трос балл басьтӥз)) Витьёс пуктылӥзы))
История параын мон кытын ке лобаса пуки лэся. Сталинлэн, Хрущёвлэн но Брежневлэн правлениез сярысь Марат Ильдаровичмылэн страстно мадемзэ зол ик йырам ӧз пыры, мон кылбур гожъяса пуки. Переменае потыса, адӟи пропущенный звонок телефонам. Точно же! Петр Михайлович жингыртыны кулэ вал. Туннэ удмурт литература урокын ми витиськом пумиськонэ Захаровез. Жингыртӥ, валэктӥ ваньзэ. Круто! Туннэ ортчоз аспрӧртэмлыко урок)) Надеюсь, пиналъёслы кельшоз гожъяськысь, кудзэ мон чортӥ.
Удмурт литература. Ваньмыз ортчиз озьы, кызьы мон малпай. Петр Михайлович кутскыз мадьыны туала литературалэсь, удмурт калыклэсь проблемаоссэ. Удмурт кылллэн этимологиез борды выжыса, сое нуиз кыдёке библейской веранъёсы, мифологической дуннее. Конечно, со ваньмыз тунсыко, туж мур, малпаськытӥсь, но пиналъёслэн потэ вал кылэмзы кылбуръёссэ, лыктэм Лариса Ореховалэсь гожтэмъёссэ. Хотя в целом учконо ке, одноклассникъёсы шуо, урок круто ортчиз шуыса. Захаров соосты быгатӥз заинтересовать карыны удмурт кылэн. Ӵектӥз поэтический слэм Италмасын ортчытыны, колонка Инвожое выделить карыны лицеймы сярысь, сборник мыным поттыны.
Озьы мынам йырам пӧртэм малпанъёс берагаса улӥзы. Тае гожтоно, со сярысь верано и ещё трос-трос ма кароно. Но физкультураын, бызьылыса, вал вылтӥ тетчаса, со мылкыд тӧлӟиз. 
Итак, журналистика. Нырысетӥ мынӥсько со занятие. Кыӵе ке егит ныл нуэ, пока скептично шораз учкисько. Но куинь час, вить минут кадь, гинэ ортчиз. Туж тунсыко. Котькудӥз кыӵе ке ӟуч журналист сярысь доклад лыдӟиз. Мон кема бырйи, но татын шуак йырам лыктӥз Эрик Батуев! Кызьы мон со сярысь вунэтӥ? Кемалась со монэ бордаз золтэ ни вал, нош али луонлык шедиз та талантливой адями сярысь мукетъёсызызлы вераны. Вань сюлмысьтым мон мади нылъёслы ваньзэ, мар мон тодӥсько Эрик Батуев сярысь. Бӧрысь журналистикалэн направлениосыныз тодматскыса, ми разобрать карим "Журналистика в Теннесси" Марк Твенлэсь вероссэ. Зэм шуоно ке, туж аспӧртэмлыко, интыосын шузи, йырвизез тӥясь гожтос, но тунсыко. Возьматэ журналистикалэсь кыӵе луэмзэ. Занятие пумын дышетӥсьмы милям гожтэм сочинениосмылы комментарий сётӥз. Мон шудо, монэ ушъязы! )) Шумпотымон ук, калыклы кельше ке, кызьы тон гожъяськиськод. 
Озьы, будъяськыса, мон потӥ ураме ӧжытак юмшаны, но кезьыт тӧл ӝыны часлэсь трос ӧз лэсьы поръяны, улляз интернатэ. Тани али мон пукисько, шуныт плед улын кынмем чиньыосме шунтыса но пӧсь чай юыса, зэмос кыӵе ке мемуар гожъясько потэ ик)) Атмосфера сыӵе шуныт: урамын ӝож, кезьыт, кот, нош дышем комнатаын югыт, шудэ кыӵе тодмо удмурт кырӟан, но мон яратоно уже сьӧрын пукисько.