четверг, 3 марта 2016 г.

Тонэ веръян - со нырысетӥ лымыез шӧмъян кадь....

"Ну айда ветлом Куарагуре. Ну айда концертэ ветлом!" - акыльтытӥ мон эшъёсме. Сю дас пол валэктоно луиз, мар со сыӵе "Куарагур". В общем, концерт азьын вить-а мар-а адями соглаш кариськизы мыныны.
18:12 мон Димаен вал ни Удмурт драм театрын. Калыкез ӧжыт ай. "Кытын-о ваньзы??" малпанме кылыса кадь,оген-оген кутскизы вуылыны учкисьёс. Сомында тодмоосме адӟи! Питерын дышетскись одноклассницае но вуэм. Тон быгатӥськод уговаривать, пе. Кстати, ачиз со ӟуч :)
Всё. Ми залын ни. Кысӥзы тылэз. Кылӥське Пислэгиналэн куараез. "Куарагур-3" кутскиз! Туж витьымон концерт мон понна вал, малы ке шуоно таяз аре мон чик ӧй тунсыкъяськы, кин та проектэ пыре но мар кырӟа. Сюрприз аслым лэсьтыны малпай)) Озьы ик луиз. Трос тодмоос кырӟазы. Ку веразы Ксюша Атметханова Марина Пахомовалэн кылбурез вылын кырӟан быдэстоз, мон соку ик дасяськи, мар ке но аспӧртэмлыко луоз шуыса. Пахомовалэн кылъёсыз, уго, котьку сюлэме пыӵась но мукет туала кылбурчиослэсь висъясько. Ульяна Хохрякова, шуом, "Эрико-а мон?" кырӟанзэ быдэсъя. Кылъёсыз али ке но йырам бергало. Нош али Ксюшалэн "Тонэ веръян"эз арня ӵоже кыл йылам бергаса улоз ай.
Кин мыным ещё запомнился? Герман Волков. Рэпер. Мон кылзылӥ кылбуръёссэ, кельшылӥзы. Нош али Пикулен гожтэм кырӟан - со одно туж аспӧртэмлыко но выль. Лайк. Яна Кузьмина. Маша Васильевалэн кылъёсыз. Котьку малпаськытӥсь но визьмо. Нош Яна быгатэ возьматыны смыслзэ со кылъёслэсь аслаз небыт, шуныт но шунтӥсь мусо куараеныз. Лайк. Ирина Яковлева. "Дас гужем нуналысь" бадӟым чагыр синмо кизили. Солэн сыӵе жингрес куараез! Котьку паймисько вал. Туж кельше.
Антракт. Ой кыӵе сеть перегруженной! Вуоз-а мынам куарае яратоно кырӟаселы?
Концертлэн кыкетӥ люкетэз. Татын тодмо луэм кырӟасьёс сцена вылэ потало ни. Соин ик туж приятно профессионально пуктэм куараосты кылзыны. Пикуль кельшиз как всегда)) Эльвира Панченко нош вань удмурт залэз паймытӥз аслаз вакчи дӥськутэныз. Удмурт менталитет, арлыдо адямиос нырысь ик туж паймизы, но только Эля кутскиз кырӟаны....Со просто наслаждение. Что сцена вылын со ассэ умой возе! Просто "ах")) "Дас гужем нуналысь" нылашъёс, "Peace pu" рок-группа но Юля Гаврилова...ӝыт юнме ортчытэмын ӧвӧл. Тем более бордам дуно адямие пуке ;)
Озьыен, "Куарагур-3" йылпумъяськиз. Ахметханова вормиз. Туж мусо нылаш! Зэмос ӟечок.
Нош туннэ ваааньзы ветлӥсьёс куспазы обсуждатьто толло ужрадэз. Эх, тросгес ке та выллем ужрадъёс луысалзы. Калыке потан повод но возможность культурно шутэтскын.